Арассыыйа күнүгэр Оһуохай ньиргиэрдэ!
Бүгүн, Бэс ыйын 12 күнүгэр, ийэ дойдубут, модун Арассыыйа күнүгэр, Дьокуускай куоракка Доҕордоһуу болуоссатыгар, Ытык Оһуохай түһүлгэтин тэрээһинин Өрөспүүбүлүкэ Бырабыыталыстыбатын бэрэссэдээтэлин солбуйааччы Сергей Местников, Саха сирин культуратын уонна духуобунай сайдыытын миниистирэ Афанасий Ноев уонна Оһуохай Түмсүү салайааччыта Александр Данилов эҕэрдэлээн астылар.
Оһуохайы Саха сирин Дархан этээччилэрэ Валентин Хорунов-Дьэргэлгэн, Дмитрий Иванов уонна Саха сирин үтүөлээх этээччитэ Антонина Саввична Алексеева алгыстаах тылларынан этэн, иилээн — саҕалаан ыыттылар.
Дьокуускай куорат олохтоохторо уонна ыалдьыттара түһүлгэҕэ кэлэн көхтөөхтук кытыннылар.
Санатан эттэххэ, быйылгыттан, Ил Дархан уурааҕынан Ыам ыйын 25 күнүгэр Оһуохай күнэ олохтоммута, Өрөспүүбүлүкэтээҕи Бырабыыталыстыба дьаһалынан улахан былаан, Концепция олоххо киирэн, Оһуохайбыт өссө күүскэ сайдар суолугар үктэннэ!
Сообщение Арассыыйа күнүгэр Оһуохай ньиргиэрдэ! появились сначала на Сетевое издание SAKHALIFE.RU.