ԱՄԱՆՈՐԻՆ ԸՆԴԱՌԱՋ «ՌՈՍՏԵԼԵԿՈՄԸ» ՆԵՐԿԱՅԱՑՆՈՒՄ Է ՇԱՀԱՎԵՏ ԱՌԱՋԱՐԿ ԲՈԼՈՐ ԲԱԺԱՆՈՐԴՆԵՐԻՆ
Ամանորին ընդառաջ «Ռոստելեկոմը» նվեր է պատրաստել իր բաժանորդների համար։ Հանդես գալով “Սկսիր տարին հաղթանակով” կարգախոսով՝ «Չեմպիոն» հատուկ առաջարկի շրջանակներում ընկերությունը կրկնապատկում է բաժանորդների հնարավորությունները։
Մեկ տարի շարունակ Ինտերնետի կրկնապատիկ արագություն և Wi-Fi ծառայություն, ինչպես նաև տոներին 10 ֆիլմի և Սմարթ IP հեռուստատեսության ԲՈԼՈՐ հեռուստատալիքների դիտման նվեր-հնարավորություն ունենալու համար ընդամենը անհրաժեշտ է մինչև 2016թ․ հունվարի 15-ը ներառյալ բաժանորդագրվել «Դուո Սիրելի» և «Տրիո» ծառայությունների փաթեթներից որևէ մեկին։
Բացի այդ, «Կրկնակի ֆորսաժ» հատուկ առաջարկի գործողության ժամկետը երկարաձգվել է մինչև 2016թ․-ի հունվարի 15-ը ներառյալ, ինչը Ինտերնետ ծառայությանը բաժանորդագրվելու դեպքում նույնպես հնարավարություն է տալիս մեկ տարի շարունակ ստանալու կապի կրկնապատիկ արագություն և WiFi ակտիվացում։
Հավելենք, որ «Ռոստելեկոմը» Հայաստանում բոլորովին վերջերս ներկայացրեց իր լիովին նոր՝ Սմարթ IP հեռուստատեսությունը։ Այն ի թիվս աննախադեպ՝ Multiscreen (Հեռուստատեսության դիտում այլ սարքերով՝ iOS հեռախոսներով, պլանշետներով), Multiroom (մեկից ավելի հեռուստացույցների միացում), Youtube և Rutube դիտելու և մի շարք այլ կարևոր գործառույթների՝ 2016թ․ առաջին ամիսների ընթացքում համալրվելու է մի շարք նոր հավելվածներով։
«Ռոստելեկոմը», հավատարիմ մնալով իր քաղաքականությանը, մշտապես հոգում է բաժանորդների հարմարավետության մասին՝ մշակելով և տրամադրելով ամենահարմարավետ ծառայություններն ու լուծումները։