„საბავშვო ბაღის ჯგუფებში გადატვირთული რაოდენობაა,"- ირაკლი აბესაძე
ოპოზიცია თბილისის საკრებულოში საბავშვო ბაღებში შექმნილ მდგომარეობას სწავლობს. ფრაქცია ნაციონალური მოძრაობა ამ წუთებში ბაღების სააგენტოს ხელმძღვანელსა და მერიის განათლების სამსახურის უფროსს უსმენს.
საკრებულოს დეპუტატები სკოლამდელი აღზრდის დაწესებულებისთვის მომავალი წლის ბიუჯეტით გამოყოფილ დაფინანსებაზეც იმსჯელებენ.
ნაციონალურ მოძრაობაში ბაღების ჯგუფებში გადაჭარბებულ რაოდენობას აპროტესტებენ. და ოპოზიციაში ასევე აცხადებენ, რომ ბაღებში კვებასთან დაკავშირებული პრობლემაც არსებობს. ნაციონალური მოძრაობა პედაგოგებისთვის ხელფასების ზრდასაც ითხოვს.
„საბავშვო ბაღის ჯგუფებში გადატვირთული რაოდენობა, 50-60 ბავშვია ერთ ჯგუფში, რაც ნორმალურ სააღმზრდელო პროცესის წარმართვას შეუძლებელს ხდის,“-განცხადა თბილისის საკრებულოს ფრაქცია ნაციონალური მოძრაობა - თბილისის თავმჯდომარემ, ირაკლი აბესაძემ.
ბაღების სააგენტოს ხელმძღვანელის, თემურ თორდინავას თქმით, 2016 წლისთვის 3 მილიონ ლარზე მეტია გათვალისწინებული პედაგოგებისთვის ხელფასების ზრდისთვის.
თემურ თორდინავას განცხადებითვე, ბაღების ჯგუფებში ბავშვების რაოდენობაზეც მუშაობა მიმდინარეობს.
ავტორი: თეონა ცხომელიძე.