Дьокуускайга Ытык Оһуохай ыһыаҕа ыытылынна
Биллэрбиппит курдук, бүгүн, От ыйын 14 күнүгэр Дьокуускай куорат сынньалаҥ Пааркатыгар үгэскэ кубулуйбут сылын аайы ыытыллар Ытык Оһуохай Ыһыаҕа тэрилиннэ. Түһүлгэбит Нам улууһуттан сылдьар, Саха сирин үтүөлээх этээччитэ Семён Петрович Алексеев алгыһынан саҕаланна. Саха сирин Дархан этээччитэ Валентин Васильевич Хорунов — Дьэргэлгэн бастакы Ытык Оһуохайы таһаарда. Оһуохай түмсүү […]
Сообщение Дьокуускайга Ытык Оһуохай ыһыаҕа ыытылынна появились сначала на Сетевое издание SAKHALIFE.RU.
Биллэрбиппит курдук, бүгүн, От ыйын 14 күнүгэр Дьокуускай куорат сынньалаҥ Пааркатыгар үгэскэ кубулуйбут сылын аайы ыытыллар Ытык Оһуохай Ыһыаҕа тэрилиннэ.
Түһүлгэбит Нам улууһуттан сылдьар, Саха сирин үтүөлээх этээччитэ Семён Петрович Алексеев алгыһынан саҕаланна. Саха сирин Дархан этээччитэ Валентин Васильевич Хорунов — Дьэргэлгэн бастакы Ытык Оһуохайы таһаарда. Оһуохай түмсүү старостата Ирина Васильевна Абрамова уонна Саха сирин Дархан этээччитэ Марта Тимофеевна Николаева көҕүлээн ыыттылар, аатырбыт ырыаһыттар кэлэн эҕэрдэлээтилэр, биллиилээх этээччилэр Оһуохайга бар дьону мустулар.
Бу күн ааспыт Туймаада ыһыаҕын кэмигэр ыытыллыбыт Оһуохай күрэҕин кыайыылаахтарын айхаллаан туран Саха сирин Дархан этээччитэ уонна үтүөлээх этээччитэ диэн ааттар иҥэриллэн Оһуохай түмсүү салайааччыта Александр Джурович Данилов — Дьулуур Хан дастабырыанньалары, бэлиэлэри туттарда, ону тэҥэ Дьокуускай куорат баһылыгыттан Евгений Григорьевтан түмсүү көхтөөх кыттааччылара махтал суругу тутан үөрдүлэр — көттүлэр.
Өссө биир үөрүүлээх түгэнинэн Александр Джурович саастаах уон этээччилэрбитигэр «Саха Сирэ» хаһыакка суруйтарыыны бэлэх быһыытынан уунна.
Александр Джурович Данилов — Дьулуур Хан, Оһуохай түмсүү салайааччыта:
— Бүгүҥҥү Ытык Оһуохайбыт Ыһыаҕа тэриллибитинэн бар дьоммутун итиитик — истиҥник эҕэрдэлиибит!
Бу күҥҥэ биһиги түмсүү кыттыылаахтара хайаан да саныахтаахтыт биһиги Оһуохайбытын саҕалаабыт дьоммутун, бары билэрбит курдук 1987 сыллаахха Николай Егорович Петров диэн Саха тылын учуонайа Оһуохай түмсүүнү тэрийэн бастакы салайааччы буолбута, биһиги кинини үрдүктүк саныыбыт уонна махтанабыт уонна кини кэнниттэн Гаврил Гаврильевич Сыромятников, Анатолий Иванович Кривошапкин үстуу сыл түмсүүнү эмиэ сатабыллаахтык салайбыттара.
Бу соторутааҕыта дойдубут Аҕа баһылыга Владимир Владимирович Путин Дьокуускайга кэлэ сылдьан Ил Дархаҥҥа Айсен Николаевка саха дьоно культураҕытын кимнээҕэр ордук өрө тута, сайыннара сылдьар эбиккит диэн эппитэ. Онтон биһиги Ытык Оһуохайбыт саха культуратын саамай үрдүк чыпчаала буолар!
Ил Дархаммытыгар Айсен Николаевка уонна Дьокуускай куорат салайааччытыгар Евгений Григорьевка махталбытын этэбит! Ытык Оһуохайбытыгар Уруй!
Сообщение Дьокуускайга Ытык Оһуохай ыһыаҕа ыытылынна появились сначала на Сетевое издание SAKHALIFE.RU.