Մեկնարկել է С-300 համակարգերի Իրան առաքման գործընթացը
С-300 զենիթա-հրթիռային համակարգերի Իրան առաքման աշխատանքները սկսվել են: Այդ մասին հայտարարել է ՌԴ նախագահի ռազմա-տեխնիկական հարցերով օգնական Վլադիմիր Կոժինը:
Մինչ այդ, հրթիռային համակարգերի տրամադրման գործընթացի մեկնարկի մասին հայտարարել էր ՌԴ-ում Իրանի դեսպան Մեհդի Սանաինը: «Ռոստեխի» ղեկավար Սերգեյ Չեմեզովը հայտարարել էր, որ ՌԴ-ը Իրանի հետ ստորագրել է С-300 առաքման պայմանագիր: Գործարքը իրականացնելու է «Алмаз-Антей» ընկերությունը: Այն կարող է Իրանին տրամադրել այդ համակարգերը պայմանագրի ստորագրումից հետո 18 ամսվա ընթացքում, փոխանցում է ՏԱՍՍ-ը:
Իրանի ու ՌԴ-ի միջև գործարքը ստորագրվել էր 2007թ.-ին, սակայն հինգ տարի անց Դմիտրի Մեդվեդևը դրա առաքման նկատմամբ վետո էր կիրառել: Համապատասխան հրամանը նա ստորագրել է ՄԱԿ-ի ԱԽ-ում 1929 բանաձևից ընդունումից հետո, որով էմբարգո դրվեց դեպի Իրան զենքերի առաքման նկատմամբ: