Чөгендер белән шалкан салаты рецепты
Бакчачылар еш кына, шалкан уңышы мул булды, ни эшләтергә, дип аптырый. Гади генә салат рецептын тәкъдим итәм.
Ингредиентлар: 500 грамм шалкан, 500 грамм чөгендер, бер уч салат яфрагы яки шпинат, 200 грамм чикләвек (яратканын сайларга), 6 аш кашыгы үсемлек мае, 1 тырнак сарымсак, 1 аш кашыгы бальзамик уксус, яшел тәмләткечләр (укроп, петрушка).
Шалканны шакмаклап турарга, 3 минут кайнап торган суда пешерергә, аннары табага ярты майны салып, 5 минут кыздырырга, чөгендерне пешерергә, телемләп яки шакмаклап турарга. Сарымсакны сыткычтан чыгарырга.
Эре яфракларны кул белән генә вакларга, яшел тәмләткечләрне вак итеп турарга, чикләвекне уклау белән изәргә.
Ингредиентларны (чикләвектән кала) барысын бергә салып болгатырга, тәлинкәгә салырга һәм өстенә чикләвек (әстерхан чикләвеге, кабак төше салдым) сибәргә.
Витаминлы һәм үзенчәлекле салат әзер!
Фото: © Гөлүзә Василова