Рамазановлар гаиләсендә шатлыклы вакыйга булган
Зинира һәм Ризат Рамазановлар гаиләсендә шатлыклы вакыйга булган: Зинираның иң кечкенә сеңлесе Гүзәл кияүгә чыккан.
«Безнең гаиләбездә зур бәйрәм: төпчегебез Гүзәлебезне дә кияүгә бирдек.
Булат киявебез, Гүзәл туганыбыз! Чын күңелдән котлыйбыз сезне. Никахыгыз бер һәм мәңгелек булсын! Бик яратабыз сезне, бәхетле булыгыз, амин», — дип язган Зинира.
Зинира Рамазанова — гаиләдә уртанчы бала. Аның Гөлназ исемле апасы да бар. Моннан берничә ел элек Зинира бер интервьюда апасының туган яклары Караиделдә гомер итүе, ә сеңлесе Гүзәлнең КХТИда укуы һәм үзләре белән яшәве турында сөйләгән булган.