Acer şirkəti oyunçular üçün 39 düymlük OLED Predator X39 monitorunu buraxdı
Acer yanvar ayında CES 2024-də elan etdiyi Predator X39 oyun monitorunun satışına başlayıb. Yeni məhsulun “siması” sürətli reaksiya və digər “esports” xüsusiyyətlərinə malik böyük əyri OLED matrisidir.
Acer Predator X39 800R əyri radiuslu, 0,01 ms cavab müddəti (GtG) və 3440×1440 piksel təsvir ölçülü 39 düymlük panelə malikdir. Ekranın yenilənmə tezliyi 240 Hz-dir ki, bu da rəqabətli oyunlar üçün kifayətdir. Bundan əlavə, yeni məhsul VESA DisplayHDR 400 True Black standartını və AMD FreeSync Premium Pro adaptiv sinxronizasiya texnologiyasını dəstəkləyir.
Siqnal mənbəyini birləşdirmək üçün iki HDMI 2.1 portu və bir DisplayPort 1.4 təmin edilir. Xüsusiyyətlərin siyahısını 90 vatt sürətli şarjı dəstəkləyən Type-C konnektoru, həmçinin KVM keçid funksiyası olan USB hub tamamlayır. Acer Predator X39-un qiyməti ABŞ-da 1599 dollar, Avropada isə 1599 avrodur.
The post Acer şirkəti oyunçular üçün 39 düymlük OLED Predator X39 monitorunu buraxdı appeared first on InfoCity.