Midjourney-ի վեբ հավելվածը հասանելի է դարձել բոլորին
0
Midjourney-ով AI նկարներ գեներացնելու համար այլեւս անհրաժեշտ չէ ունենալ Discord հաշիվ։
Վեբ հավելվածը հասանելի է բոլոր օգտատերերին, Google-ի միջոցով կարող եք մուտք գործել կայք։ VentureBeat-ը նշում է, որ ծառայությունն ուներ վեբ ինտերֆեյսի «ալֆա» տարբերակ, սակայն մուտքը ընտրողաբար էր տրվել:
Որպես բոնուս՝ Midjourney-ը թույլ է տվել նոր օգտվողներին անվճար ստեղծել 25 պատկեր: Երբ փորձաշրջանը լրանա, ստիպված կլինեք վճարել բաժանորդագրության համար: Արժեքը սկսվում է 8-10 դոլարից։
Կայքում հասանելի է ոչ միայն գեներացիայի ֆունկցիան, այլեւ կարող եք դիտել եւ հավանել այլ օգտատերերի պատկերները՝ տեսնելով, թե ինչ հարցում են (prompt) նրանք տվել նեյրոնային ցանցին եւ ինչ կարգավորումներ սահմանել։