"საქართველო ცდილობს რუსეთ-სომხეთის ურთიერთობებიდან და გაზის მიწოდებიდან, თავისი ინტერესი ნახოს"- პაატა ზაქარეიშვილი
რამდენიმე საათის წინ თბილისში ლუქსემბურგიდან კახი კალაძე დაბრუნდა, სადაც ის გაზპრომის ხელმძღვანელობას შეხვდა, თუმცა განმარტებები მას ამ დრომდე არ გაუკეთებია.
მიმდინარე პროცესს საგარეო საქმეთა და სახელმწიფო მინისტრები აფასებენ. გიორგი კვირიკაშვილის ინფომრაციით, შეხვედრაზე რუსეთიდან სომხეთში დამატებითი ოდენობის გაზის გატარების საკითხი განიხილეს.
მინისტრები აღნიშნავენ, რომ ეს შეხვედრები არ ნიშნავს საქართველო-აზერბაიჯანის ურთიერთობაში რაიმეს შეცვლას.
„ყველა მინისტრს, მათ შორს მეც, ჩვენი უფლებამოსილებები გაგვაჩნია. აშკარაა, რომ საქართველო ცდილობს რუსეთ-სომხეთის ურთიერთობებიდან და გაზის მიწოდებიდან გამომდინარე თავისი ინტერესი ნახოს საქართველოს მოსახლეობის ინტერესიდან გამომდინარე,“- განცხადა საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში, პაატა ზაქარეიშვილმა.