Путин ана капиталын түләүне 2018 ел азагына кадәр озайтырга боерды
Хәзерге вакытта программа буенча 453 мең сум акча бирелә.
Россиядә ана капиталын түләү 2018 ел азагына кадәр озайтыла.
Россия Президенты Владимир Путин 9 декабрь көнне, Хөкүмәткә шул хакта йөкләмә бирде, дип хәбәр итә "Интерфакс". 5 декабрьдә РФ хезмәт һәм социаль яклау министры Максим Топилин, ведомство программаны 2018 елга кадәр озайту турындагы закон проектын әзерләп, РФ Хөкүмәтенә кертте, дип хәбәр итте.
3 декабрь көнне Путин Федераль Җыенга юллама белән чыгыш ясаганда, ана капиталын кимендә ике елга озайтырга кирәк, дигән фикер белдергән иде.
Хәзерге вакытта ана капиталы буенча 453 мең сум күләмендә акча түләнә.
«Татар-информ»