"Төп пассажир"ны җирләделәр...[+ФОТОЛАР]
Мисырдан Санкт-Петербургка кайтучы самолет белән һәлакәткә очрап үлгән Громовлар гаиләсен – Татьяна белән Алексей һәм аларның кызлары Даринаны соңгы юлга озаттылар.
Самолетның "төп пассажиры" һәм аның әти-әнисе Синай ярымутравындагы һәлакәттән соң 40 көнгә бер тәүлек кала Пушкино шәһәре зиратына җирләнде. Даринага әле 10 ай гына иде, ә аның әти-әниләренә икесенә дә 27 яшь булган. Самолетта иң кечкенә кеше булганлыктан, Даринаны әнисе "төп пассажир" дип атаган иде. Сабыйның фотосы фаҗиганең символына әйләнде.
26 декабрьдә кызчыкның 1 яшен билгеләп үткән булырлар иде...
Интертат.ру