Иске Абдулда мөмкинлекләре чикле кешеләргә күчтәнәчләр таратканнар
Инвалидлар декадасында Иске Абдул мәдәният йортында инвалид балалар өчен чәй өстәле әзерләнде, күчтәнәч бүләкләре тапшырылды, инвалидларның өйләренә кереп, "Сәйдәш" хужалыгы күчтәнәчләре өләшелде. Мөмкинлекләре чикле, авыру кешеләр тормыш тарафыннан кыерсытылган, шуңа аларның күңеле бик нечкә, ә бу очрашулар алар өчен кечкенә бәйрәмгә әверелде, дип хәбәр итә Иске Абдул мәдәният йортының сәнгать җитәкчесе Кәүсәрия Ситдикова.