ელისო კილაძის ცნობით, პოლიტმატიმართა სიების შედგენაში ეკა ბესელია და მანანა კობახიძე ფულს იღებდნენ

"ნამდვილად ვიცი, რომ არსებობს ფაქტები, სერიოზული ინფორმაცია იმის თაობაზე, რომ აქ ფული კეთდებოდა," - აცხადებს გაზეთ ქრონიკა პლუსის რედაქტორი.

ელისო კილაძე შეწყალების კომისიის ყოფილი თავმჯდომარის მიერ გაკეთებულ განცხადებას ეხმაურება. ალეკო ელისაშვილი პატიმართა გათავისუფლების საქმეში ხელისუფლების წარმომადგენელთა სავარაუდო ჩარევასთან დაკავშირებით პროკურატურაში გუშინ დაკითხეს.

ჟურნალისტი ასევე პოლიტ პატიმართა სიების შედგენის თემას იხსენებს და ამტკიცებს, რომ ამ თემაზე ვაჭრობა მიდიოდა. მისი განმარტებით უმრავლესობის დეპუტატი ეკა ბესელია და ვიცე სპირეკი მანანა კობახიძე პატიმრების შეწყალების სანაცვლოდ ფულს იღებდნენ. 

"დიახ, არსებობდა დასაბუთებული ვარაუდები, ეჭვები იმის თაობაზე, რომ შეწყალების კომისიაში მაღალჩინოსნები ძალიან აქტიურად იყვნენ ჩართულები და ცდილობდნენ პატიმრების შეწყალებას, ისევე როგორც, პოლიტპატიმართა სიების შედგენისას, ჩვენ გვქონდა ინფორმაცია, რომ მიდიოდა ვაჭრობა. მაგალითად, ეკა ბესელია პოლიტპატიმართა სიებში გარკვეული ადამიანებისგან გარკვეულ გასამრჯელოს იღებდა. ეკა ბესელია არ არის ერთადერთი, ასევე არის მანანა კობახიძე, ეს ადამიანები იყვნენ წარსულში უფლება დამცველები, მაგრამ, აღმოჩნდა, რომ დღეს უკევ პატიმრების შეწყალებაზე აკეთებდნენ ფულს", - განაცხადა ელისო კილაძემ.