141 տրանսպորային միջոց. նվեր ՌԴ մաքսային ծառայությունից հայ գործընկերներին
ՌԴ Դաշնային մաքսային ծառայությունը Հայաստանի մաքսային համակարգին տրամադրել է տեխնիկական օժանդակություն` 141 տրանսպորտային միջոց՝ «Լադա», «Ուազ», «Գազ» մակնիշի ավտոմեքենաներ:
Ինչպես հայտնել են ՀՀ ֆինանսների նախարարության մամուլի ծառայությունից, տրանսպորտային միջոցների կիրառումը կնպաստի մաքսային վարչարարության, հսկողական մեխանիզմների, իրավախախտումների դեմ պայքարի արդյունավետության բարձրացմանը:
Տրանսպորտային միջոցները տրամադրվել են Եվրասիական տնտեսական միությանն անդամակցության շրջանակում Հայաստանին տեխնիկական եւ ֆինանսական աջակցություն ցուցաբերելու մասին համաձայնագրով:
«Հայաստանի եւ Ռուսաստանի մաքսային ծառայությունների միջեւ միշտ եղել է ակտիվ համագործակցություն, եւ սա հերթական դրսեւորումն է` արդեն ԵԱՏՄ շրջանակում»,- նշել է ՀՀ ֆինանսների նախարար Գագիկ Խաչատրյանը ՌԴ պատվիրակության հետ հանդիպման ժամանակ:
Երեւան ժամանած պատվիրակությունը գլխավորում է ՌԴ Դաշնային մաքսային ծառայության ղեկավարի տեղակալ Սերգեյ Կոմլիչենկոն: