Петропавлда темекі тұқылын лақтырған тұрғын бейнекамераға түсіп, жауапкершілікке тартылды

Петропавл қаласында 35 жастағы азамат темекі тұқылын «Северный» тұрмыстық үйінің жанында лақтырған. Оқиға № 7 учаскелік полиция пунктінің мониторларына шығарылған бейнекамера объективіне түсіп қалды, деп хабарлайды Петропавловск.news.

Аға учаскелік полиция инспекторы құқық бұзушылықты анықтап, ақпаратты патрульдік полиция қызметкерлеріне жеткізді. ҚР Әкімшілік құқық бұзушылық туралы Кодексінің 434-2-бабына сәйкес, жалпы пайдалану орындарын ластағаны үшін ер адам 5 айлық есептік көрсеткіш мөлшерінде айыппұлға тартылды.

Петропавл қаласының барлық учаскелік полиция пункттері бейнебақылау жүйелерімен жабдықталған. № 7 УПП-де 40-қа жуық камера бар, олар заңдылықтың кез-келген бұзылуын бақылауға мүмкіндік береді.

Жыл бастағаннан бері қоғамдық орындарда, саябақтарда және адамдар серуендейтін жерлерде мінез-құлық мәдениетінің төмендігіне байланысты 1116 тұрғын әкімшілік жауапкершілікке тартылды. Бұл құқық бұзушылықтардың барлығы дерлік бейнекамералардың көмегімен анықталды. Полицейлер құқық бұзушылықтарға мүлдем төзбеушілік қағидатын жүзеге асыру үшін тұрақты түрде жұмыс істеуде.