"რუსთავი 2-ის" საქმე სახალხო დამცველისა და საია-ს წლიური ანგარიშის მთავარი თემა გახდა
რუსთავი 2-ის საქმეში არსებულ დარღვევები მთავარი თემა იყო სახალხო დამცველისა და საია-ს წლიურ ანგარიშში. ომბუდსმენი უარყოფითად აფასებს მოსამართლის მიერ კომპანიის ქონების დაყადაღებისა და დროებითი მმართველების დანიშვნის შესახებ მიღებულ გადაწყვეტილებებს. სახალხო დამცველის ანგარიშში მოხვდა რუსთავი 2-ის აქციაზე დაკავებული 3 ახალგაზრდისთვის წინასწარი პატიმრობის შეფარდების საკითხიც. ნანუაშვილის განცხადებით, პატიმრობის გამოყენება იყო პრობლემური მაშინ, როცა ოპოზიციაზე ძალადობისას მსგავსი გადაწყვეტილება არ ყოფილა. საია-ში კი იმ საფრთხეებზე საუბრობენ, რომელიც კრიტიკულ და პლურალისტული მედიას 2015 წელს შეექმნა.
დოკუმენტში საუბარია მოსამართლე ურთმელიძის გადაწყვეტილებების დაუსაბუთებელობასა და მასზე შესაძლო ზეწოლაზე, რომელიც მოსამართლის დედის საქმეს უკავშირდება. მართლმსაჯულების სისტემაში არსებული ხარვეზების გამოსწორების აუცილებლობაზე საუბრობს საქართველოში ევროკავშირის წარმომადგენელიც. არასამთავრობო ორგანიზაციები კი ხელისუფლებას ომბუდსმენის ანგარიშში გამოვლენილ დარღვევებზე რეაგირებას სთხოვენ.
ავტორი:თეონა ცხომელიძე