Մայր Աթոռում մեկնարկել է Գերագույն հոգեւոր խորհրդի ժողովը
Էջմիածնի տեղեկատվական համակարգից հայտնել են, որ ԳՀԽ ժողովը բացվել է Տերունական աղոթքով, որից հետո Վեհափառ Հայրապետն իր գնահատանքն ու օրհնությունն է բերել Գերագույն հոգեւոր խորհրդի հոգեւորական եւ աշխարհական անդամներին` հայցելով Սուրբ Հոգու առաջնորդությունը ժողովի բարեհաջող եւ արդյունավետ ընթացքի համար։
Ժողովի ընթացքում կքննարկվեն հայրենական կյանքի մարտահրավերներին, արցախահայերի իրավունքների պաշտպանությանը, Արցախի հոգեւոր-մշակութային ժառանգության, սփյուռքում ինքնության պահպանման հիմնախնդիրներին, քրիստոնեական կրթության կազմակերպմանը, եկեղեցու ժողովական եւ վարչական կյանքին առնչվող հարցեր։
Ժողովին որպես ատենապետ մասնակցում է նաեւ Կ. Պոլսի Հայոց Պատրիարք Ամենապատիվ Տ. Սահակ արքեպիսկոպոս Մաշալյանը։