Салават Данир Сабиров төркемендәге артистларга дәүләт бүләкләрен үзе тапшырды
Данир Сабировның Казанда узган концертында аның төркемендәге артистларга дәүләт бүләкләре тапшырылды. Күкрәк билгеләрен биюче Ренат Хәйруллин, музыкант Роберт Хәлиловка Салават Фәтхетдинов үзе тапшырды.
«Сәхнәдә ике башкорт, бер үзбәк. Бу егетне (Ренатны – ред.) беренче тапкыр күрдем дә тамашада, мин әйтәм: «Әйдә Казанга». Нефтекамск шәһәрендә яши, минем якташ ул. Шуннан соң аның әле Башкортстанга кайтканы юк...
Безгә башта килмешәк дип әйтәләр иде. Хәзер инде без местный. Бу медаль «Татарстанның атказанган артисты» исемен алу өчен бу соңгы баскыч», – дип, аларга алга таба нинди исем бирелергә мөмкин булуын искәртеп куйды Салават сәхнәдә.