Geely artıq ayda 250 min avtomobil satır

Geely şirkəti bu ilin noyabr ayında avtomobillərinin satışları ilə bağlı statistikanı paylaşıb. Son bir ayda şirkət 250 136 avtomobil satıb ki, bu da bu ilin oktyabr ayı ilə müqayisədə 10%, 2023-cü ilin noyabr ayı ilə müqayisədə isə 27% çoxdur.

Ümumilikdə, bu ilin əvvəlindən Geely 1 966 512 avtomobil satıb ki, bu da ötən ilin eyni dövrü ilə müqayisədə 31% çoxdur. Bu ilin noyabrında Geely elektrik avtomobillərinin satışı 122 453 ədəd təşkil edib — oktyabr ayı ilə müqayisədə 13%, keçən ilin noyabr ayı ilə müqayisədə isə 94% artım. Çindən kənarda noyabrda 32 814 avtomobil satılıb (artım 13%).

Əgər alt brendlər haqqında danışırıqsa, o zaman Galaxy xəttindən olan modellərə təlabat çoxdur. Son bir ayda 75 228 ədəd Geely Galaxy avtomobili satılıb — oktyabr ayı ilə müqayisədə 18% və 2023-cü ilin noyabr ayı ilə müqayisədə 121% çoxdur.

The post Geely artıq ayda 250 min avtomobil satır appeared first on InfoCity.