Сергей Мелехов Петропавл қаласының жаңа орынбасары
Қала әкімі Серік Мұхамедиевтің өкімімен Петропавл қаласы әкімінің құрылыс және жедел мәселелер жөніндегі орынбасары болып Мелехов Сергей Владимирович тағайындалды, деп хабарлайды Петропавловск.news.
Сергей Мелехов 1987 жылдың 15 қарашасында Аққайың ауданы Смирново ауылында дүниеге келді. Екі жоғары білімі бар: М.Қозыбаев атындағы СҚМУ дене шынықтыру және спорт мамандығы бойынша, С.Сейфулин атындағы Қазақ агротехникалық университеті — электр энергетигі мамандығы бойынша.
Еңбек жолын 2007 жылы конькимен жүгіру спортынан нұсқаушы-спортшы қызметінен бастады. Әр жылдары СҚО әкімдігінің ведомстволық бағынысты мекемелерінде, «Астанаэнергосервис» АҚ техникалық бақылау және жобаларды басқару инженері қызметінде жұмыс істеді.
Осы тағайындауға дейін Сергей Владимирович СҚО әкімдігі дене шынықтыру және спорт басқармасының басшысы қызметін атқарды. 2024 жылғы су тасқыны кезеңінде Хромзавод шағын ауданының жедел штабын басқарды.