Сёрмадодо сёрмат Якшаматянтень (эрзя)
Течи тешкстави Якшаматянтень сёрмань сёрмадомань ды казнень вешемань чись. Якшаматянтень сёрмань сёрмадомань коесь ушодовсь умок. Россиясо те откересь невти парочи, кона топавты Од иень вешематнень. Сёрмань сёрмадомань койтнень ютксо – Якшаматянтень Од иестэ вадря эрямонь арсемась, эседенк ёвтнемась, прядовиця иестэ паро тевень теемань ледстямось, икелепелев эрямосо арсемат ды, нама, казнень вешемась! Сёрманть мереви кучомс почтава – 162390, Вологодской ёнкс, Великий Устюг ош, Октябрьской курыне, 1а кудо, Якшаматянень. Якшаматясь вети «ВКонтакте» Почта Деда Мороза ды Российский Дед Морозлопатнень. Тесэ мереви аволь ансяк кадомс эсенк паро валонк, ваномскак, кода Якшаматясь максни каршо валт сёрматнес.