«Майаҕатта Бэрт Хара» испэктээк сүрэхтэнэр
Үүнэр көлүөнэтин тыйаатырыгар «Майаҕатта Бэрт Хара» испэктээк сүрэхтэнэр
Ахсынньы 18, 19 күннэригэр 18:30 чааска Арассыыйа култууратын үтүөлээх үлэһиттэрэ Матрена уонна Алексей Павловтар салайааччылаах Саха Өрөспүүбүлүкэтин Үүнэр көлүөнэтин судаарыстыбаннай тыйаатырыгар үһүйээннэргэ үгүс үйэлэр тухары кэпсэммит саха боотурун «Майаҕатта Бэрт Хара» туһунан испэктээк сүрэхтэнэр.
«Майаҕатта Бэрт Хара» диэн Анатолий Кириллин – ДьолуКуус номохторго олоҕуран суруйбут бастакы пьесата. Урукку дьыллар улаҕалаах уорҕаларыгар улахан киһиттэн ойуччу улаатан көстөр, муҥур тиит курдук баараҕай көрүҥнээх, хастаабыт харыйа мас курдук харылаах, тиэйиилээх оту санатар кэтит киппэ көҕүстээх, икки былас дарайар сарыннаах, үс былас үрдүк үөкэҕэр өттүктээх, бэйэтигэр тэҥнээх боотуру көрсүбэтэх, үгүөрү күүстээх, сымса илиилээх, быһый атахтаах, түнэ таҥастаах Майаҕатта Бэрт Хара диэн бөҕөс киһи үөскээн-төрөөн олорбута үһү…
Тоҕус сааһыгар диэри сымара таас курдук сыппыт, обургу буолуор диэри киил мас курдук кыайан хаампатах уол атаҕар хайдах турбутун, уостан түспэккэ суон сураҕырбытын, бэл диэтэр, Тыгын Дархан маанылаах кыыһын кэргэн ылбытын туһунан тыйаатырга кэлэн көрүҥ, былыргы дьыллар быраман мындааларын биһигинниин арыйыҥ!
Анатолий Кириллин — ДьолуКуус суруйуута
СӨ ускуустубатын үтүөлээх диэйэтэлэ Александр Титигиров туруоруута
СӨ култууратын туйгуна Егор Аммосов сценографията уонна көстүүмнэрэ
СӨ култууратын туйгуна Георгий Бессонов сүрүн оруолу толорор
(12+)
Уһуна — 1 ч. 20 мүн.
18.12.2024 чыыһылаҕа билиэттэри ылар сигэ https://iframeab-pre5640.intickets.ru/seance/45485031/
19.12.2024 чыыһылаҕа билиэттэри ылар сигэ https://iframeab-pre5640.intickets.ru/seance/45485488/
Ыччат дьон киирии билиэттэри Пушкинскай каартанан ылыаххытын сөп.
Билсэр төлөпүөннэргит: 43-35- 90; 43-43-28;
Алексей Павлов: Трудностей было немало
Сообщение «Майаҕатта Бэрт Хара» испэктээк сүрэхтэнэр появились сначала на SAKHALIFE.