«Оятсыз!»: Зөлфәт Зиннуров Мисырда кемне шелтәли?

Танылган алып баручы Зөлфәт Зиннуров хатыны Гөлназ белән Мисырга ялга китте. Ул сәяхәт башыннан видеолар төшерә һәм аларда «туган апагыз бик шат инде», «туган апагыз бәхетле инде» дип, хатынының бик тә ялга барасы килгәнен әйтеп тора. Шулай ук вак-төяктән торган игътибарны аңламавы өчен хатынын шелтәләп тә ала.

Татар җанлы Зөлфәт ялда да татар егете белән танышкан, татарча белмәве өчен, аны шелтәләп тә алган. «Менә монда Казан малае белән таныштым. Аниматор булып эшли икән. Ренат исемле татар малае, әмма татарча белми. Оятсыз!» – дип тәкъдим итә ул яңа танышын.

«Татарча белмим, татар ризыгы – кәтлит белән сыйладылар. Рәхмәт бик зур», – ди аниматор.

«Шулкадәр йорт ризыгын сагынган инде. Юлга дип алган кәтлит белән ипи калган иде, аниматорларга бирдек. Шуңа сөенеп йөри инде, балакай. Уңышлар сиңа, Ренат!» – ди Зөлфәт Зиннуров.