Владимир Павлов сэрэгшэдые болон тэдэнэй гэр бүлэнэрые амаршалба
Буряад Уласай Арадай Хуралай Түрүүлэгшэ Владимир Павлов Буряад Уласай Толгойлогшо Алексей Цыденовтэй суг хамта сэрэгшэдые болон тэдэнэй гэр бүлэнэрые амаршалба.
«Мүнөөдэр дурасхаалта энэ үдэр, бидэ манай сэрэгшэдтэ, манай гүрэнэй эрхэ сүлөө болон бэеэ даанги байдалай түлөө баатаршалга гаргаһан бүхы эрхэтэдтэ хүндэлэлгын тэмдэгээ мэдүүлнэбди. Сэрэгэй тусгаар үйлэнүүдтэ эрэлхэг ябадал, шэн зориг болон баатаршалга гаргажа байһан Буряадаймнай солото болон эрэлхэг хүбүүдээрээ омогорхонобди», - гэжэ Владимир Павлов хэлэбэ.
Тэрэнэй тэмдэглэһээр, манай гүрэнэй эрхэтэдэй баатарлиг ажаябуулганууд нэгэдэлэй, эбтэй байдалай болон Эхэ орондоо үнэншэ байлгын жэшээ боложо хододоо үгэдэг.
Олониитын суглаан дээрэ Эсэгэ ороноо хамгаалагшые хүмүүжэлэлгын түлөө уласай сэрэгшэдэй абанарта «Сэрэгшын эсэгэ» гэһэн ниитэ тэмдэглэлэй дурасхаалай медальнууд барюулагдаа. Мүн лэ баяр ёһололой үедэ «Сэрэгэй тусгаар үйлэнүүүдтэ хабаадаһанай түлөө. Баяр мэдүүлһэн Буряад орон» гэһэн дурасхаалай медаляар сэрэгшэд шагнагдаһан байна.