Google-ը թողարկել է Gemini 2.0 Flash մոդելը

Google ընկերությունը թողարկել է Gemini 2.0 Flash մոդելը՝ էկրանի դիտման եւ տեսախցիկով օբյեկտների ճանաչման գործառույթներով։

Gemini 2.0 Flash մոդելը կարող է օգտագործել երրորդ կողմի հավելվածներ՝ տեսախցիկի, աուդիո ձայնագրությունների եւ մարդու խոսքի միջոցով օբյեկտները ճանաչելու համար:

Stream Realtime ֆունկցիան նաեւ թույլ է տալիս Gemini-ին տեսնել համակարգչի էկրանը: Սոցցանցերի X օգտատերը միացրել է էկրանի փոխանակումը եւ խնդրել մոդելին «զվարճալի» պարզ նախագիծ մշակել Python-ում: Մոդելը նրան առաջարկել է հանելուկ խաղ մշակել, որից հետո առաջարկել է, թե ինչ գործողություններ պետք է կատարել հաջորդաբար եւ պատասխանել հարցերին։

Google-ը մոդելն անվանում է «ունիվերսալ»՝ այն կարող է ստեղծել պատկերներ եւ գրել կոդ, ստեղծել աուդիո եւ կարդալ տեքստ ութ ձայնով:

Առայժմ փորձնական տարբերակը հասանելի է անվճար Gemini API-ի միջոցով, ինչպես նաեւ AI‎Studio եւ Vertex AI մշակողների հարթակներում, բայց ոչ եվրոպական IP հասցեներից: Flash 2.0-ը մոտակա ամիսներին կհայտնվի Android Studio-ում, Chrome DevTools-ում, Firebase-ում եւ Gemini Code Assist-ում:

Ըստ Google-ի թեստերի՝ Gemini 2.0 Flash-ն ավելի լավ կոդ է գրում եւ ընդհանուր առմամբ երկու անգամ ավելի արագ է, քան Gemini 1.5 Pro մոդելը, որը ներկայացվել է 2024 թվականի մայիսի 15-ին: