Ике яшьлек бала пистолет тапкан да анасын атып үтергән
АКШта 2 яшьлек бала пистолет табып алган һәм анасын атып үтергән. Бу турыда РЕН ТВ хәбәр итте.
Фаҗига 6 декабрьдә Калифорния штатының Фресно шәһәрендә була.
Пистолетны мәрхүмә хатынның дусты – 18 яшьлек егет ялгыш калдырып киткән. Аны полиция тоткарлаган, аннары судка кадәр җибәреп торганнар.
Әлеге ир-атны коралны тиешенчә сакламауда һәм бала гомере өчен куркыныч очрак барлыкка китерүдә гаеплиләр.
Табиблар исә 22 яшьлек әни кешенең гомерен саклап калу өчен тырышкан, ләкин булдыра алмаганнар. Аның 2 яшьлек улы һәм 8 айлык сабые ятим калган.