“Бажамо” экологиянь яннэсь (эрзя)

Ацамковонь 25-це чистэ В.Н. Ржавитин лемсэ ботанической садпиресэ юты «Бажамо» экологиянь яннэнь панжомась.
Теварсевксэсь топавтови «Россиянь раськень Ассамблея» Весероссиянь вейсэндявксонь региононь отделениянть Н.П. Огарёв лемсэ МГУ-нть марто вейсэ «Туризм и индустрия гостеприимства» раськень теварсевксэнть лувсо.
Мордовиянь Общественной палатас совицясь, МР-со «Россиянь раськень Ассамблея» общественной вейсэндявксонь прявтось Елена Ломшина ёвтни, те карми 1062 метрас яннэ. 172 метратне уш вельтязь асфальтсэ, кадовозь 890 – чувтонь вельтявкссо.
Яннэванть путовить оймсемас эземнеть, анокстави 20 кавонзазь метрас медитацияс тарка, шукшос чакшт. Теде башка, кинть кувалмос путовить Вирявань ды Ведявань чачост марто фотостендт.
Теварсевксэсь аволь ансяк мазылгавтсы региононь туристэнь инфраструктуранть, содавтсы эрицятнень ды инжетнень Мордовиянь культурань койтнень марто.