Ни өчен миләш салкында баллылана?
Кышкы салкында миләш җиләкләре баллы була. Салкын аларның күзәнәкләрендәге мебрананы җимерә. Бу турыда «Вокруг Света» сайтында язалар.
Миләштә 9 процент чамасы шикәр бар. Ләкин аның баллыгы, парасорбин кислотасы һәм башка матдәләрнең әчесе белән, беленми кала. Миләш җиләкләрендә парасорбин кислотасын сорбин кислотасына әверелдерә торган ферментлар бар. Ләкин бу ферментлар күзәнәкләр арасындагы мембрана белән аерылган.
Салкында өшегәч, күзәнәк эчендәге сыеклыкта боз кристаллары барлыкка килә, алар мембраналарны вата. Аннары җылынгач, парасорбин кислотасы ферментлар белән кушылып, әче булмаган кушылмага әверелә, диелә хәбәрдә.