EPIC Jam հաքաթոնն ընդունում է հայտեր
Հունվարի 25-26-ը Հայաստանի ամերիկյան համալսարանի EPIC կենտրոնը կազմակերպում է EPIC Jam միջոցառումը, որը նորարար գաղափարների եւ լուծումների մշակման երկօրյա հաքաթոն է։
Մասնակիցները կհամախմբվեն իրական աշխարհի մարտահրավերներին դիմակայելու եւ ստարտափ գաղափարներ զարգացնելու համար։ Նրանք կկազմեն դինամիկ թիմեր, կներկայացնեն իրենց գաղափարները եւ կմշակեն լուծումներ՝ փորձառու մենտորների եւ ոլորտի մասնագետների ղեկավարությամբ:
Լավագույն թիմերը կստանան մրցանակներ, հաղթողներին կշնորհվի EPIC-ի ինկուբացիոն ծրագրի հրավեր՝ շրջանցելով ավանդական դիմումի եւ հարցազրույցի փուլերը:
EPIC Jam-ը բաց է բոլորի համար, ովքեր հետաքրքրված են ձեռներեցությամբ եւ պատրաստ են լուծել իրական աշխարհի խնդիրներ: Դիմելու վերջնաժամկետը հունվարի 15-ն է: Բոլոր մանրամասներին ծանոթանալ եւ գրանցվել կարող եք այստեղ։