4 яшьлек кызның күзен карандаш белән төртеп тишкәннәр
Мәскәү өлкәсендәге Подольск шәһәрендә балалар бакчасында 4 яшьлек кызның күзен имгәткәннәр. Бу турыда РЕН ТВ каналы үз чыганагына сылтама белән хәбәр итте.
Әлеге вакыйга 2024 елның август башында була. Бакчадагы бер кыз кулына карандаш ала. Бу вакытта тәрбияче игътибарын читкә юнәлткән була. Кыз икенче кызның күзенә шул карандаш белән төртә.
«Сул күзе яраланган һәм күрү функцияләре югалган баланы хастаханәгә салалар. Кызның күзенең төсле катлавы ярылган, һәм зур яра бар», – дигән РЕН ТВ чыганагы.
Бала имгәнү факты буенча Мәскәү өлкәсе прокуратурасы тикшерү башлаган.
«Якынча белешмә буенча, имгәнгән бала очлы карандашка төртелгән, карандаш башка баланың кулында булган», – дигәннәр прокуратурада.
Җинаять эшен тикшерү бара, диелә хәбәрдә.