Блогер кыз торт өстендә шартлаган шар аркасында сукыр кала язган

Вьетнамда блогер Зянг Фам, туган көнен үткәргәндә водородлы шарлар куллану сәбәпле, сукырая язган.

Кызның йөзе нык пешкән.

32 яшьлек Зянг бәйрәмне дуслары белән ресторанда билгеләп үткән. Фотосессия вакытында шарик торттагы шәмнәргә тигән һәм шартлаган.

Кыз, паникага бирелеп, йөзенә ябышкан да юынырга йөгергән, дип яза «Московский комсомолец».

Табиблар кызның битендә икенче дәрәҗәдәге пешү диагнозы куйганнар. Блогер тиресенең чыдый алмас дәрәҗәдә януын тойганын сөйләгән.

Табиблар, дәвалану ярты еллап барачак, дип фаразлый. Хәзер блогер реабилитация уза.