Google-un keçmiş mühəndisləri “Huxe” adlı İİ köməkçisini təqdim etdilər

Google şirkətinin keçmiş əməkdaşları yeni bir startap çərçivəsində Huxe adlı səsli süni intellekt köməkçisini təqdim ediblər. Bu köməkçi bir çox mövcud çat-botlardan fərqli olaraq əyləncə və şəkil yaratmaq üçün deyil, real iş tapşırıqlarında kömək etmək üçün nəzərdə tutulub.

Huxe-un əsas funksiyası — istifadəçinin gələn e-poçtları, təqvimdəki görüşləri və maraqlı xəbər mövzularını nəzərə alaraq şəxsi audio-xülasə hazırlamaqdır.

Süni intellektin digər maraqlı xüsusiyyəti isə DeepCast adlanır — bu funksiya vasitəsilə Huxe, məsələn, “NVIDIA-nın səhmləri ilə nə baş verdi?” kimi suallara tez və konkret informasiya icmalı təqdim edə bilir.

İnkişaf etdiricilərin sözlərinə görə, Huxe-un ilk versiyası startapın 2024-cü ilin dekabrında yaradılmasından sonra cəmi bir ay ərzində hazırlanıb. Komandanın planında İİ köməkçinin daha çox tətbiqlə inteqrasiyası və funksiyalarının genişləndirilməsi var.

Hal-hazırda Huxe yalnız ABŞ və Böyük Britaniyada, iOS 15.1 və yuxarı versiyalarla çalışan cihazlarda istifadəyə verilib.

The post Google-un keçmiş mühəndisləri “Huxe” adlı İİ köməkçisini təqdim etdilər appeared first on InfoCity.