Վարչապետ․ «Մուտք ենք գործում 2016 նոր հաջողությունների հաստատակամությամբ»
Նշելով, որ գալիք 2016 թվականը հոբելյանական տարի է հայ ժողովրդի համար՝ հանդիսավորությամբ նշվելու է Հայաստանի Հանրապետության անկախության հռչակման 25-րդ տարեդարձը, վարչապետը վստահեցնում է, որ եկող տարի «կառավարությունը շարունակելու է հետևողական ջանքեր գործադրել Հայաստանի Հանրապետության յուրաքանչյուր քաղաքացու կյանքի որակի և պայմանների բարելավման ուղղությամբ»:
«Համոզված եմ, որ մեր երկիրը՝ կառավարության նպատակային և հստակ գործողությունների շնորհիվ մրցունակ տնտեսությամբ շարունակելու է հաստատուն կերպով առաջ ընթանալ` դեպի ավելի հզոր և ժողովրդավարական Հայաստան», - ասված է Հովիկ Աբրահամյանի ուղերձում:
«Մենք մուտք ենք գործում 2016 թվական՝ նոր հաջողություններ արձանագրելու հաստատակամությամբ», - կառավարության տեղեկատվության և հասարակայնության հետ կապերի վարչության փոխանցմամբ՝ իր ուղերձում գրել է վարչապետը: