Михаил Мишустин коммуналь түләүләр арту турында сорауга җавап бирде
Коммуналь түләүләр күләме гаилә кеременең 22 процентыннан артмаска тиеш. Бу хакта РФ Премьер-министры Михаил Мишустин белдерде, дип яза «РИА Новости».
25 февральдә Михаил Мишустин Дәүләт Думасында 2025 ел нәтиҗәләре буенча хисап белән чыгыш ясый. Утырышта шулай ук Хөкүмәт әгъзалары да катнаша.
«Социаль яктан якланмаган гражданнар төркемнәренә ярдәм итү өчен без коммуналь түләүләр күләмен чикләдек. Сез яхшы хәтерлисез, бу сан — гаилә кеременең 22 проценты», — дип җавап бирде ул депутатлар сорауларына.