Укытучы Зәлияне Маврикиядә урлаганнар бугай
Маврикия утрауларында Россиядән килгән кыз юкка чыккан. Ул шундагы дусты белән йөрергә чыгып китә һәм шуннан югала. Аның телефоны сүнгән һәм геолокацияне дә күрсәтми башлаган, дип яза «База» телеграм-каналы.
17 августта, иртән, 29 яшьлек Зәлия Шәмигулова үзенең дусты, Маврикия гражданины белән урамга йөрергә чыгып китә һәм 3 сәгатьтән соң кайтырга тиеш була. Шуннан соң аны беркем дә күрмәгән, ә телефоны элемтәгә чыкмый башлый.
Зәлиянең күршесе 18 августта полициягә һәм Россия илчелегенә мөрәҗәгать иткән, әмма әлегә эзләү бернинди дә нәтиҗә бирмәгән. Кызның якыннары сүзләренчә, Зәлиянең Маврикиядәге танышлары үзләрен бик шикле тота, ә полиция тикшерү барышы турында хәбәр итми. Туганнары, Зәлияне урлаганнар, дип шикләнә.