Коррупционер Шарабидин Капаров угрожает, что его коррупционную деятельность крышуют клан Матраимовых и Алмамбет Салиев

КР Президенти, Коопсуздук кеңешинин башчысы С.Н. Жапаровго

                                                723317, Ош облусу, Кара-Суу району, Кызыл-Кыштак айыл аймагы, Кызыл-

                                                                  Байрак айылынын тургуну Токторалиева Орозкандан (тел. 0778 493908)

АРЫЗ                          

Кызыл-Кыштак айыл өкмөтүнүн мурдагы башчысы Ш. Капаров мыйзамсыз баюу максатында көптөгөн коррупциялык схемалар тузуп, мамлекетке өзгөчө ири өлчөмдө зыян келтирген.

1. Ишкаван айылында мурда 5 гектар жери менен Аэропорт болчу. Госрегистр карталарында ал жер "Западный Аэропорт города Ош" деп аталган. 1999-2000 жыл Баткен окуяларында, 2010 жыл окуяларында ал Аэропортко Бишкектен самолёттор, вертолёттор конгон. 2009 жылы Кызыл-Кыштак айыл өкмөтүнүн жер  адиси Хамидилло Мадалиев "Бостон" кооперативинин протоколун жасалмалап, ал Аэропортту ижарага берүү керек деп чечим чыгарат. 2011 жылы Кара-Суу райондук сотунун мыйзамсыз токтому менен ал Аэропорт болгону 111 миң сомго жеке менчикке сатууну мыйзамсыз мыйзамдаштырат. Ошол Сотто Кызыл-Кыштак айыл өкмөтүнүн башчысы Ш. Капаровдун мыйзамдуу өкүлү болгон айыл өкмөтүнүн юристи Б. Сайдалиев Аэропорт жеке менчикке сатылууга айыл өкмөтү каршы эмес жана жеке менчикке сатууну колдогон. Ош окуясынан кийин коркуп калган өзбек улутундагы болгон Шермухаммад Мирзабаев жана Зокир Хошимовдордон бул мыйзамсыз иштерде пайдаланып, алардын колу менен ал жерди мыйзамсыз сатышат. Бугунку күнү ал жерде ресторан "Эльдорадо Гранд" жана башка мыйзамсыз объекттер курулган. Бирок айылдын карапайым эли менен соттошууну өзүно кесип кылып алган Ш.Капаров жана Б.Сайдалиев Аэропортту мамлекетке кайтаруу үчүн Сотко бербей, тескерисинче Сотто жеке менчикке сатылышына каршы болбой, колдоп, ал жерлерге документтер жасап, Кызыл Китептерге, мыйзамсыз курулуштарга уруксатка кол коюп жатат. Аэропорттун 5 гектар жери болгону 111 миң сомго сатылып, азыркы күндө ал жердин 1 сотиги 10-20 миң доллардан сатылып жатат. Демек ал жердин базар баасы 111 миң сом эмес, 5 миллион доллар. Бул болсо Аэропорттун сатылышында Ш.Капаровдун жана Б.Сайдалиевдин мыйзамсыз аракеттерине укуктук баа берилиши жана мамлекетке зыянды ордун толтурушу керек.

2. Жогорку Соттун мыйзамсыз токтому менен стратегиялык объект -  Туштук Аэропорт жеке менчикке мыйзамдаштырылып берилген. Мамкаттоо карталарында ал Ош Түштүк Аэропорту деп жазылган. Бирок, Ш.Капаров жана Т.Матраимов мыйзамсыз баюу, мамлекеттик кызыкчылыктарга диверсия жасоо жана мамлекетке өзгөчө ири өлчөмдө зыян келтируу максатында КР Мамкаттоо кызмат адамдары менен алдын ала сүйлөшүп Мамкаттоо карталарынан ал стратегиялык объектти мыйзамсыз өчүрүп салышат. ОшГипрозем карталарында ошондой коррупциялык схема менен стратегиялык объектти жок кылышат. Мыйзамсыз жеке менчикке өткөн Аэропорттун жеринде 2016-2019 жылдары “Эльдорадо-Гранд”  рестораны курууга эч кандай уруксат кагаздары жок курулат. Ошол мыйзамсыз курулушту “Кактус-медиа” журналисттери (https://kaktus.media/doc/390455_restoran_eldorado_grand_postroen_v_zapadnom_aeroporty_osha._chto_nedogovarivaut_gosorgany.html  Ресторан Eldorado Grand построен в западном аэропорту Оша) иликтегенден кийин, Капаров парасын алып 2019 жыл 4 апрельда курууга уруксат берет. Уруксат кагаздары жок курулган объекттин мыйзамдуулугун текшеруу үчүн Капаров Мамэкотехинспекцияга, прокуратурага берген эмес. Бирок ал ресторан 2019 жылда курулуп буткон болуп, 2019 жыл 27 апрель-3 май күндөрү 700 орундуу ал ресторанда Ш.Капаров бир нече күн бою уулу Шабдандын тоюн өткөрөт. Ушул күнгө чейин укук коргоо органдары Ш.Капаров жана Шарабидин уулу Шадыбек эмне үчүн ал мыйзамсыз курулушту токтотушкон эмес, эмнеге ресторан курулуп буткондон кийин параны алып курулушка уруксат беришкен, же параны ордуна ал ресторанда бир жума бою той өткөргөнү үчүн мыйзамсыз уруксат бергенби?- деп тергөө жургузушкон эмес. Болбосо Ш.Капаровдун тоюнда мамлекеттик жана укук коргоо органдары өкүлдөрү катышышкан. Эмнеге алар Ш.Капаровко: “Айлыгын болгону 15 миң сом болсо, миллиондогон тойду кайсы коррупциялык акчаларга өткөрдүн?”- деп суроо беришкен эмес. Ошондой эле, Капаровдун жашаган үйү Раим миллиондун үйүнөн жакшыраак жана жеке менчигинде эки кабаттуу балдар бакчасы жана башка мүлктөрү бар, уулдары ар жума сайын кымбат баалуу автомашиналарды алмаштырып минип журушот. Ошон үчүн, УКМК төрагасы К.Ташиев Жалил Атамбаевдин тоюнан кийин мамлекет эсебинен мыйзамсыз байыган коррупционерлерге: “Кыргыз элинин кыжырына тийбей, мамлекет эсебинен уурдаган акчаларды көз-көз кылууну ордуна мамлекет бюджетине эки барабар өлчөмүндө тогуп кой, болбосо УКМК камайт” - деп эскертуу берген. Бирок, УКМК төрагасы К. Ташиевдин ал эскертуусуна Капаров тукуруп жатат, себеби Ош областтык УКМК андан доля алып иштерин жаап жашырган адамы бар.

3. Ош областтык финансылык полициясында “Кактус-Медиа” иликтөөсүү негизинде 10.06.2019 ж. 3 кылмыш иш (03-134-2019-000145, 03-134-2019-000146, 03-134-2019-000147) козголуп, тергелип жатат. Бирок, тергөчүүлардын мыйзамсыз аракетсиздиги, “маакулдашуусу” жана алдын ала сүйлөшүүсү натыйжасында, тергөөдү атайын создуктуруп,  Ш.Капаровду кылмыш жоопкерчилигине тартуу эскирүү мөөнөтүн атайын өткөрүшкөн. Натыйжада жер саткыч Ш. Капаров камалбай, эркиндикте жүрөт. Ошондой эле, тергөөчүүнун шалаакылыгы натыйжасында Аэропорттун жеринде көптөгөн мыйзамсыз курулуштар ушул күндөрү курулуп жатат.

Ш.Капаров мурда бизди куугунтуктап: “Менин артымда Матраимовдор кланы турат, Алмамбет Салиев мени коргойт!”-деп бизди опузалап, коркутуп, шантаждаган болсо. Азыркы күндө Ш.Капаров: “Мен Жала-Абад зооветеринарный техникумунда Ташиевдин тууганы менен окуганмын, артымда Ташиев турат” деп бизди коркутууда. К.Ташиев болсо: “Менин атымды ким сатса камаңыз”-деп пресс-конференцияда айткан, бирок, Капаров ушул күнгө чейин камалбай эркиндикте жүрөт. Жогоркулардын негизинде Сизден суранабыз:

1. Ош областтык финансылык полициясында “Кактус-Медиа” иликтөөсүү негизинде козголгон 3 кылмыш ишке биздин арыздарыбыз негизинде, бизди катыштырып, 4 кылмыш иш козгоп, Ш.Капаровду кылмыш жоопкерчилигине тартып берүүнүзду.

2. Ушул 3 кылмыш ишти атайын создуктуруп эскирүү мөөнөтүн атайын өткөрүп, мыйзамсыз курулуштарга уруксат берген Ш.Капаровду кылмыш жоопкерчилигине тартпаган Финпол тергөөчүүсүнө чара көрүүнүздү.

3. Аэропорт жерин мыйзамсыз жеке менчикке сатып жиберген кызмат адамдарын жана Соттордо мыйзамсыз “мыйзамдаштырып” берген сотторду кылмыш жоопкерчилигине тартуунузду.

Коррупционердин курмандары                                       О.Д. Токторалиева,

                                                                                          Г.М. Мирзакаримова, 2 февраль 2021 ж.

Р.S. Биз менен, биздин үй-бүлөбүз менен, биздин жеке менчигибиз менен бир нерсе болсо, Капаровду күнөөлүү деп эсептөөнүздү суранабыз, себеби бизди бир нече жолу жемкор Капаров жана уулдары өлтүрөбүз деп коркутушкан.