Այս մասին հաղորդում է ԱՄՆ դեսպանության մամուլի ծառայությունը:
«Ամուլսարի ծրագիրն ամենախոշոր միջազգային ներդրումն է Հայաստանում, որի շրջանակում կան մի շարք ներդրումային ընկերություններ Միացյալ Նահանգներից: Դեսպանը, վարչապետը եւ էներգետիկայի նախարարը շրջայց կատարեցին Ամուլսարի ոսկու ծրագրի իրականացման վայրում ՝ «Լիդիանի» հայաստանյան մասնաճյուղ «Գեոթիմ» ընկերության գործադիր տնօրեն Հայկ Ալոյանի ուղեկցությամբ, ով ներկայացրեց մանրամասներ պլանավորվող ներդրումների ու ծրագրի շինարարական ու գործառնական փուլերում ստեղծվելիք աշխատատեղերի վերաբերյալ:
Այցի ընթացքում դեսպան Միլսը նշեց, որ այս հանքավայրի գործարկումը կարեւոր տնտեսական հնարավորություն է Հայաստանի համար եւ շեշտեց, որ հավասարապես կարեւոր է շրջակա միջավայրի վրա ազդեցությունը նվազագույնի հասցնելը: Այս առումով դեսպան Միլսը նշեց, որ «Լիդիան» ընկերությունը հայտնի է բնապահպանական միջազգային ստանդարտների ապահովման ու պատասխանատու հանքարդյունահանման իր գործելակերպով:
Դեսպան Միլսը հույս հայտնեց, որ «Լիդիան» ընկերության Ամուլսարի ծրագիրը կդառնա պատասխանատու հանքարդյունահանման օրինակելի ծրագիր, որը ցույց կտա, որ հնարավոր է ապահովել բնապահպանական ու տնտեսական շահերի հավասարակշռում:
Իր խոսքում դեսպան Միլսը ջերմորեն ողջունեց ՀՀ կառավարության վերջերս կայացրած որոշումը «Արդյունահանող ճյուղերի թափանցիկության նախաձեռնությանը» (ԱՃԹՆ) անդամակցելու վերաբերյալ: ԱՃԹՆ հիմքում այն սկզբունքն է, որ հասարակությունը հնարավորություն ունենա տեսնել եւ վստահություն ունենալ, որ երկրի բնական պաշարների արդյունահանումը ընթանում է լավագույն մեթոդների կիրառմամբ եւ հասույթի բաշխումն իրականացվում է պատշաճ ձեւով: Դեսպանը փաստեց, որ «ԱՃԹՆ ստանդարտներն ապահովող երկիր դառնալու ճանապարհին անելիքներ շատ կան, սակայն երբ դա ապահովված լինի, ավելի մեծ հասարակական թափանցիկություն կապահովվի հանքարդյունաբերության ոլորտում, ինչն էլ կօգնի այս ճյուղի կայուն զարգացմանը»: Եզրափակելով՝ դեսպանն ասաց. «Միացյալ Նահանգները մեծապես արժեւորում է խորացող տնտեսական կապերը Հայաստանի հետ եւ ողջունում է գործարար միջավայրի բարելավման հարցում ՀՀ կառավարության ստանձնած հանձնառությունները»:
Հաջորդ օրն առավոտյան դեսպանը, վարչապետը եւ էներգետիկայի նախարարը ծանոթացան «Լիդիանի» կողմից կորպորատիվ սոցիալական պատասխանատվության ծրագրի շրջանակում իրականացվող համայնքային զարգացման երկու ծրագրերի՝ արվեստի դպրոցի եւ մանկապարտեզի վերանորոգման աշխատանքների ընթացքին Ջերմուկում: Դեսպան Միլսը շեշտեց այն օգուտները, որ ստացվում են արեւմտյան կորպորատիվ բիզնես գործելակերպի լավագույն ավանդույթներից մեկի՝ կորպորատիվ սոցիալական պատասխանատվության ծրագրերի արդյունքում, որոնց միջոցով տնտեսավարող ընկերությունները մասնակից են դառնում տեղի համայնքի խնդիրների լուծմանն ու իրենց ներդրումն են ունենում համայնքի զարգացման ու բարելավման հարցում: Հայաստանում առողջ ու պատասխանատու հանքարդյունաբերության զարգացմանը աջակցելու նպատակով վերջերս ԱՄՆ դեսպանությունը բնապահպանների ու հանքարդյունաբերության ներկայացուցիչների համար կազմակերպել է երկու ճանաչողական այց դեպի Միացյալ Նահանգներ, որտեղ մասնակիցները ծանոթացել են հանքերի շահագործման, շահագործման դադարեցման (կոնսերվացման) ու կրկնակի շահագործման ամերիկյան փորձին», - ասված է ԱՄՆ դեսպանության հաղորդագրության մեջ:
Modders are trying their hardest to add an NVMe SSD to the Switch 2, which is both impressive and something I'm not going to do
Находи идеальные места для персонажей-фигурок в «Is This Seat Taken?»
Mafia: The Old Country получила положительные оценки в Steam
The US Air Force wants to test blowing up Cybertrucks because 'it is likely the type of vehicles used by the enemy may transition to Tesla Cyber trucks'
ПРО РОССИИ МОГУТ ДОПОЛНИТЕЛЬНО УЛУЧШИТЬ! СЕНСАЦИЯ! ВЫСШАЯ АКАДЕМИЯ УПРАВЛЕНИЯ МИРОМ: ПРОГРАММНЫЕ ИНТЕЛЛЕКТЫ МОГУТ ПОМОГАТЬ! Россия, США, Европа могут улучшить отношения и здоровье общества!
Семейное приключение на «Кораблике Детского радио»
В Россию приходит новая чартерная египетская авиакомпания
Музыкальный журналист Дмитрий Ухов скончался в возрасте 79 лет
Более 100 улиц благоустроят в центре столицы в этом году
Временные ограничения на прием и выпуск воздушных судов ввели в аэропорту Калуги
ПРО РОССИИ МОГУТ ДОПОЛНИТЕЛЬНО УЛУЧШИТЬ! СЕНСАЦИЯ! ВЫСШАЯ АКАДЕМИЯ УПРАВЛЕНИЯ МИРОМ: ПРОГРАММНЫЕ ИНТЕЛЛЕКТЫ МОГУТ ПОМОГАТЬ! Россия, США, Европа могут улучшить отношения и здоровье общества!
Семейное приключение на «Кораблике Детского радио»
