Грант тивĕçнĕ

Конькипе ярăнма, клюшка тытма тата сывă пурнăç йĕркине юратма вĕрентеççĕ. Сăмах «Спартак 21» хоккей клубĕ пирки пырать. Пĕрлешӳ кăçал Чăваш Республикин экономика аталанăвĕн министерствин грантне çĕнсе илнĕ. Çак укçапа ача-пăча хоккейне аталантарма палăртаççĕ.

Пăр çине хоккея чунпа парăннисем пухăннă. Ушкăнпа выляни, иксĕлми хăватлăх тапса тăнипе, пысăк хăвăртлăхпа вĕçтерни – ахăртнех çакăншăнах кăмăллаççĕ вĕсем ку спорт тĕсне. Надежда Макаровăн ывăлĕ хоккея пиллĕкмĕш çул çӳрет.

НАДЕЖДА МАКАРОВА: «Çав занятине эпир питĕ юрататпăр, çӳреме пăрахма шутламастпăр. Каток çинче те, спортзалта та нумай выляççĕ вĕсем. Питĕ нумай вăхăт иртет пирĕн çав тренировкăсенче. Урамра çӳреме вăхăт çук пирĕн».

 Хоккейла выляма вĕренме ансат мар. Чи кирли кунта – коньки çинче çирĕп тăма пултарни. Грант çĕнсе илни шăпах çак тĕллеве пурнăçлама пулăшмалла. Ултă-вунă çулхи ачасем конькипе ярăнма, хапхана шайба персе кĕртме вĕренĕç. Вĕсемшĕн ку тӳлевсĕрех. Грант укçине тренерсене шалу, зала тара илме, турнир ирттернĕ чухне тӳресене тӳлеме усă курĕç. Хоккей клубĕ халĕ ачасене пухать. Пултаруллă 30 ача суйласа илме палăртать