Çут çанталăк сыхлавĕн çĕнĕ прокурорĕ
Паян Чăваш Республикин Министрсен Кабинечĕн пайташĕсене Шупашкарти районсен хушшинчи çут çанталăк сыхлавĕн прокурорĕпе паллаштарчĕç. Çак ĕçре малашне Николай Костенко тăрăшма пуçлать.
Чăваш Республикине киличчен Николай Костенко Иваново, Волгоград хулисенче, Атăлçи тăрăхĕнчи çут çанталăк сыхлавĕн прокуратурисенче тĕрлĕ должноçра вăй хунă. Тĕл пулура ведомствăсен хушшинчи çыхăнăва йĕркелесси, «Экологи» наци проектне пурнăçласси çинчен калаçрĕç. Каяшсене тасатассипе ĕçлекен технологисемпе усă курасси, ку енĕпе сооруженисем хута ярасси пирки те сăмах пуçарчĕç. Çак объектсене пурнăçа кĕртме сахал мар укçа-тенкĕ кирлĕ.
«Çав тĕллевпе федераци программипе усă курмалла», – терĕ çĕнĕ прокурор. Чăваш Республикин Министрсен Кабинечĕн председателĕн тивĕçĕсене пурнăçлакан Михаил Ноздряков регион ертӳçи Олег Николаев та, Чăваш Республикин Правительстви ку ыйтăва пысăк тимлĕх уйăрни пирки каларĕ. Чăваш Республикин «Атăла сыватасси» федераци проектпа та пирĕн регион тĕллевлĕ ĕçленине палăртрĕç тĕл пулура