Чăваш Ен Пуçлăхĕ - Питĕрте
Пĕтĕм тĕнчери Питĕрти газ форумĕ кăçал авăн уйăхĕн 13-16-мĕшĕсенче 11-мĕш хут иртет. Унта тĕрлĕ куравсем, çавра сĕтелсем, ĕçлĕ тĕл пулусем йĕркеленĕ. Чăваш Республикин Пуçлăхĕ Олег Николаев та унта хутшăнать. Вăл газификацин интерактивлă карттипе паллаштарнă. Ăна хатĕрленĕ чухне Раççейĕн тĕрленĕ карттине тĕпе хунă.
Çынсене газпа тивĕçтерес ыйтăва пысăк тимлĕх уйăрнă форумра. Питĕрти пĕтĕм тĕнчери экономика форумĕнче Чăваш Ен пуçарăвĕпе, тĕрлĕ регион ал ăстисем тăрăшса тĕрленĕ Раççей карттине газпа ăçта тата мĕнле шайра тивĕçтернине кăтартас тĕллевпе анимаци технологийĕсемпе усă курнă. Шăпах унпа республика Пуçлăхĕ Олег Николаев форумăн тĕп сцени çинче паллаштарчĕ те. Интерактиклă карттăна тач-панель кĕртнĕ. Хуть те хăш регион çине пуссан та планшетран тӳрех субъект çинчен мĕнпур информаци тухать. Çавăн пекех Питĕрте иртекен форумра газ тытăмĕн аталанăвĕ, санкцисене пула кĕртнĕ чарусене парăнтарасси тата ытти ыйтăва сӳтсе яврĕç