Արցախում կբացվի «Արմաթն Օդում» ԱԹՍ կրթական աշխատանոց
Նոյեմբերի 12-13-ը Արցախում սպասվում են մի շարք Արմաթական տեխնոլոգիական միջոցառումներ։
Նոյեմբերի 12-ին Մարտակերտի մանկապատանեկան ստեղծագործության կենտրոնում տեղի կունենա «Արմաթն Օդում» ԱԹՍ կրթական աշխատանոցի պաշտոնական բացումը։
Նոյեմբերի 13-ին Ստեփանակերտի Ֆրանկոֆոնիայի կենտրոնում կմեկնարկի Արմաթի մարզային ցուցահանդեսը, որի ընթացքում Արցախի «Արմաթ» ճարտարագիտական աշխատանոցները կներկայացնեն իրենց նախագծերը, խելացի լուծումները, ռոբոտները, ավտոմատացման համակարգերը, եռաչափ տպիչով կամ ԹԿՀ հաստոցով պատրաստված ճարտարագիտական մոդելները և այլն։
Ցուցահանդեսի ընթացում տեղի կունենա նաև ռոբոտաշինության մրցույթ։ Արցախի Արմաթներում պատրաստված SeRob ռոբոտները կփորձեն հաղթահարել իրենց առջև դրված խնդիրները։
Միջոցառման ամբողջական օրակարգին հնարավոր է ծանոթանալ այստեղ։