«Тыңлаган саен елыйсы килә» - Илсөя Бәдретдинова яңа җырын тәкъдим итте
Илсөя Бәдретдинова «Тынычлык кирәк» дигән яңа җырын тәкъдим итте. Җырның сүзләрен Айгөл Нуриева, көен Равил Хисаметдинов язган. Яңа җырны тулысынча барлык музыкаль мәйданчыкларда тыңларга була.
«Сүзләре бик матур», «Йөрәккә үтеп кереп өстен аска китерә торган җыр», «Чыннан да хәзер тынычлыктан башка нәрсә кирәкми бит», «Бик мәгънәле, һәркемнең күңеленә ятышлы сүзләр», «Кабат-кабат тыңлыйм, Илсөяне. Күпме мәгънә һәр сүзендә», – дип язган җырны тыңлаучылар.
«Тыңлаган саен елыйсы килә», – дип язып куйган җырчының концерт директоры Гүзәл Карамиева.