Էկոնոմիկայի փոխնախարարը պարզաբանել է, թե ինչու է մրգի ու բանջարեղենի մեծ մասն արտահանվում Ռուսաստան
p bԵՐԵՎԱՆ, 4 հուլիսի․/ԱՌԿԱ/b/․ Հայաստանի էկոնոմիկայի փոխնախարար Արման Խոջոյանը պարզաբանել է, թե ինչու է մրգի ու բանջարեղենի մեծ մասն արտահանվում Ռուսաստան։/pp «Թարմ բանջարեղենի և մրգի արտահանումը դիվերսիֆիկացնելու համար անհրաժեշտ է ավելի հիմնարար քայլեր ձեռնարկել, որոնցից մեկն այն է, որ երբ մենք շփվում ենք մեր միջազգային գործընկերների հետ և հայտնում, որ արտադրանք ունենք, նրանք հարցնում են՝ թարմ բանջարեղեն և միրգն հավաստագրված են Global GAP-ի կողմից»,- ասաց Խոջոյանը չորեքշաբթի մամուլի ասուլիսի ժամանակ։/pp Նա նշեց, որ հայ արտադրողներն այս հարցում դժվարությունների են հանդիպում, և այդ պատճառով ընդունվել է ինտենսիվ այգիների զարգացումը խթանող ծրագիր։br br «Նպատակն է դիվերսիֆիկացնել արտահանումը և ստեղծել միջազգային բոլոր չափանիշներին համապատասխան այգիներ»,- ասաց փոխնախարարը։/pp Միաժամանակ նա ասաց, որ արդեն գործող այգիները սկսում են համապատասխանել չափանիշներին և շուտով կազդեն արտահանման կառուցվածքի վրա։br/pp Խոջոյանը նշեց, որ կառավարությունը նպատակ է դրել ամեն տարի ստեղծել 1 հազար հեկտար ինտենսիվ այգի, և այժմ արտոնյալ վարկավորման ծրագրով արդեն պատրաստ են կամ ստեղծման փուլում են 7,2 հազար հա մակերեսով այգիներ։/p