Тәрәзәдән егылып төшкән сабый бер айдан артык үлем белән көрәшә
Уфада тәрәзәдән егылып төшкән 5 яшьлек малай инде 1 айдан артык үлем белән көрәшә. Бу турыда «Башинформ» хәбәр итте.
Биеклектән егылып төшкән бала Республика клиник балалар хастаханәсендә ята. Аның хәлен табиблар стабильләштергән. Башта хәле авыр буларак бәяләнгән, аннары тагын да начарланган, кызганычка, ул шундый «стабиль» халәттә инде берничә атна ята.
«Хәле бик авыр булып кала, үзгәрешләр юк», – дигәннәр 4 июльдә хастаханәнең матбугат хезмәтендә.
Имгәнгән баланы 2 июньдә Октябрь проспектында күп катлы йорт янында табалар. Якынча белешмә буенча, ул тәрәзәдәге москит сеткасына таяна һәм егылып төшә.
«Ашыгыч ярдәм» аны хастаханәгә илтә, башта ул авыр хәлдә реанимациядә була, аннары хәле тагын да начарлана, диелә хәбәрдә.