Татар эстрадасы җырчысы татуировка ясаткан
Татар эстрадасы җырчысы Лилия Гыйматдинова күптәнге хыялын чынга ашырган.
«Тәвәккәлләдем. Үземнең чираттагы гештальтны яптым – татуировка ясаттым. Альбина – үз эшенең остасы. Супер нәтиҗә өчен рәхмәт», – дип мастерга рәхмәт сүзләре яза ул статусларында.
Лилия Гыйматдинова татуировканы аркасына, муеныннан аз гына аскы өлешкә ясаткан. Анда инглиз телендә: «Синең йөрәгеңне җырларга мәҗбүр итә торган эшләр эшлә», – дип язылган.