Миләүшә Сафина яңа машинасын күрсәтте
Миләүшә Сафина яңа машиналы булган. Җырчы автосалоннан өр-яңа, зәңгәр машина сатып алган.
«Минем шәп, матур кроссоверым. Салоннан гына, өр-яңа. Бу яңа этапка күчү кебек. Минем туктамыйча үземнең хыялларыма һәм максатларыма таба барганым өчен бүләк. Бу машина мине тагын да югарырак үрләр яуларга рухландырсын иде», – дип яза җырчы.
«Сез булдырасыз! Юлларыгызда гел яшел утлар гына янсын», «Рәхәтен күреп яшәргә, исән-сау йөрергә язсын», – дип котлыйлар Миләүшәне дуслары яңа «тимер аты» белән.