Պետքարտուղարի օգնական․ ԱՄՆ–ն հաստատում է, որ հետաքրքրված է տրանսպորտային երթուղով Հայաստանի և Ադրբեջանի տարածքով՝ շրջանցելով Ռուսաստանն ու Չինաստանը
p bԵՐԵՎԱՆ, 31 հուլիսի․/ԱՌԿԱ/․/b Վաշինգտոնը հաստատել է, որ հետաքրքրված է տրանսպորտային երթուղով Հայաստանի և Ադրբեջանի տարածքով՝ շրջանցելով Ռուսաստանն ու Չինաստանը։/pp «Կենտրոնական Ասիայի երկրները աներևակայելի հարուստ են, և այժմ համաշխարհային շուկաներ մուտք գործելու նրանց միակ տարբերակը Ռուսաստանի կամ Չինաստանի միջոցով է: Եթե մենք կարողանանք ճանապարհ բացել, որն անցնում է Հայաստանով և Ադրբեջանով, նրանք ելք կունենան դեպի համաշխարհային շուկաներ և շատ ավելի քիչ կախված կլինեն Ռուսաստանից և Չինաստանից», - հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենը Սենատի միջազգային հարաբերությունների կոմիտեում Եվրոպայի ապագայի մասին լսումների ժամանակ։/pp Իսլամական հեղափոխության գերագույն առաջնորդ այաթոլլա Սեյեդ Ալի Խամենեին երեկ ՀՀ վարչապետ Նիկոլ Փաշինյանի հետ հանդիպման ժամանակ ասել է, որ Իրանը շարունակում է Զանգեզուրի երթուղին համարել Հայաստանի համար վնասակար նախագիծ։ Փաշինյանն իր հերթին նշել է, որ Հայաստանն իր երկրի ներսում չի ճանաչում ոչ մի անդրտարածաշրջանային երթուղի։/pp ԱՄՆ պետքարտուղարի օգնականն ասել է, որ պետքարտուղարությունը Հայաստանի հետ ստեղծել է համատեղ հարթակ, որը կօգնի նվազեցնել կախվածությունը Ռուսաստանից։/pp «Հայաստանը էներգետիկ և տնտեսական ոլորտներում գրեթե ամբողջությամբ կախված է Ռուսաստանից։ Մենք պետք է օգնենք նրանց դիվերսիֆիկացվել՝ հնարավորություն ընձեռելով իրականացնելու այն համարձակ քայլերը, որոնք ձեռնարկում է վարչապետ Փաշինյանը»,- նշել է Օ'Բրայենը։/pp Նրա խոսքով, Ռուսաստանը երաշխավորել էր Հայաստանի անվտանգությունն Ադրբեջանի հետ 2020թ․–ի պատերազմից հետո և շատ ավելի վաղ, սակայն «երես թեքեց Հայաստանից», երբ Ադրբեջանը վերադարձրեց Լեռնային Ղարաբաղի տարածքը։/pp «Դա հանգեցրեց լուրջ դժգոհությունների, և հայկական հասարակության մեծամասնությունն ուզում է հեռանալ Ռուսաստանից։ Մենք պայմաններ ենք ստեղծում, որպեսզի դա տեղի ունենա», – ասել է Օ'Բրայենը։/pp Նա նաև նշել է, որ այս շաբաթ կա կարևոր ժամկետ, ՌԴ ԱԴԾ մի քանի հազար զինծառայողների խնդրել են հեռանալ։/pp «Դա կարևոր է մի քանի պատճառներով, քանի որ նրանք տեղակայված են միջազգային օդանավակայանում, և դրա պատճառով որոշ պատժամիջոցների ռիսկ կա։ Այսպիսով, մենք կտեսնենք Ռուսաստանի իրական վերաբերմունքը Հայաստանի ինքնիշխան ցանկությունները հարգելու հարցում, որպեսզի Հայաստանը կարողանա կառուցել այն հարաբերությունները, որոնք ցանկանում է», – նշել է Օ'Բրայենը։/pp Պետքարտուղարի օգնականը հայտարարել է, որ ԱՄՆ–ն նաև հստակ աջակցում է ՀՀ վարչապետի և Ադրբեջանի նախագահի խաղաղ ջանքերին, որոնք ուղղված են խաղաղության ձեռքբերմանը։/pp «Ռուսաստանն ուզում է, որպեսզի դա տեղի ունենա իր պայմաններով, սակայն երկու երկրներն էլ մի փոքր հիասթափված են նրա մասնակցությամբ։ Մենք գործադրում ենք բոլոր ջանքերը, որպեսզի համաձայնագրում արտացոլվի երկու երկրների ձգտումը դեպի խաղաղություն», – ասել է Օ'Բրայենը։/pp Խոսելով հայ–ադրբեջանական սահմանի սահմանազատման գործընթացի մասին՝ պետքարտուղարի օգնականը հայտարարել է, որ Հայաստանն ու Ադրբեջանը համաձայնել են սկսել այդ աշխատանքը։ Բայց կան որոշ տարածքներ, որոնք դեռևս օկուպացված են երկու կողմերից, և սահմանագծումից հետո այդ տարածքները կարող են վերադարձվել նրանց։/pp «Երկու երկրներն էլ աշխատում են այդ գործընթացի շուրջ։ ԱՄՆ–ն հստակ հայտարարել է, որ սահմանը, որը կշտկվի գործընթացի ավարտից հետո, պետք է լինի վերջնական», – եզրափակել է Օ'Բրայենը։/p