Һинд егете Зәлияне егетләр белән танышкан өчен үтергән
29 яшьлек укытучы Зәлия Шәмигулованы соңгы тапкыр 17 августта күрәләр. Ул Чиләбедә яши һәм эшли, әмма тумышы белән Башкортстаннан була. Чит илләрдә еш булуына карамастан, Зәлия туганнары белән һәрвакыт элемтәдә торган. Бу җәйдә ул Россиядән туристлар аз булган Африкадагы кечкенә генә, экзотик һәм матур Маврикий утравында ял итәргә була.
Июнь башында Зәлия утрауга килә, дусты белән арендага торак ала һәм вакытын рухи практикаларга һәм ял итүгә багышлый. Кыз утраудагы тау түбәләренә менә.
Кыз инглиз телендә иркен аралаша, бу аңа җирле халык белән тиз арада уртак тел табарга мөмкинлек бирә. Шунда ук диярлек аның африкалылар арасында дуслары барлыкка килә. 25 яшьлек бер егет аңа аеруча игътибар күрсәтә.
17 августта Зәлия шул егет белән автомобильдә йөрергә китә. Икенче көнне ул Флик-Ан-Флакта Голан авенюсындагы фатирына (утрауның көнбатыш яр буендагы Блэк-Ривер районындагы яр буе торак пунктына – авт.) әйләнеп кайтмый. 41 яшьлек дусты Елена борчуга кала.
Бер үк вакытта Зәлиянең Россиядәге абыйсы да борчыла башлый, чөнки сеңлесе элемтәгә чыгудан туктый. Елена дустының югалуы турында җирле полициягә белдерә һәм РФ дипломатик вәкиллегенә хәбәр итә. 3 көнлек эзләнүләр нәтиҗәсендә, полициясенең «үтерү» бүлеге хезмәткәрләре урман полосасында күпсанлы пычак җәрәхәтләре булган Россия кызының гәүдәсен таба. Үтерүче тотылган, һәм ул үз гаебен таныган.
Кулга алынган Пурья Вир Сингх исемле 29 яшьлек җирле айтишник эре инвестиция компаниясендә инженер булып эшләгән. Аның сүзләренчә, Зәлия белән ул «уку чорыннан ук» таныш, алар арасында җитди мөнәсәбәтләр булган, утрауга да ул аның өчен килгән, һәм алар хәтта үз мөнәсәбәтләрен законлаштырырга планлаштырган. Пурья Зәлияне яратуын, 17 август кичендә, сөйгәненең үзенә хыянәт итүен белүе аркасында, көнләшүдән нәрсә эшләвен аңламавын әйтә.
Сингх – авт һинд диаспорасы вәкиле, ул – авт Маврикийдагы иң зур диаспораларның берсе, һәм анда аларның ватандашы кылган куркыныч җинаять турында ишеткәннәр. Индуизмда үтерүне аклау юк, хәтта син очраклы рәвештә юлда бер бөҗәкне генә таптасаң да. Шуңа күрә, аның гаебе исбатланган очракта, диаспорадан берәү дә егетне якларга җыенмый. Шул ук вакытта алар, кыз аларның якташын алдаган, дип саный: ул аңа ышанган һәм хатынлыкка алырга теләгән, ә ул, социаль челтәрләр аша, Россиядән күчеп китү өчен, Балида, Мадагаскарда һәм Көньяк Африка Республикасындагы төрле ир-атлар белән танышкан, дип саный.
Пурья Зәлия өчен фаҗигале булган шимбә көнендә беренче тапкыр аның 1 сентябрьдә Мадагаскарга очарга җыенуын белә һәм, көнчелек сәбәпле, акылын югалта.
«Московский комсомолец» сайтыннан тәрҗемә