Израиль гаскәрләре Ливанга кергән

Израиль гаскәрләре Ливан чиген үтеп кергән. Социаль челтәрләрдә юлдан барган гаскәриләр фотолары чыкты, бу – Ливанга керүче хәрбиләр, диелә. Израиль басмалары язуынча, алар «Хезболла» төркеменең күзәтү пунктларын юк итәргә тели.

Ливан армиясе 5 километрга чигенгән. Израиль Ливанның көньягындагы 20 километр зонаны контрольгә алырга тели.

Күп кенә илләр, шул исәптән АКШ та, Израильнең һөҗүмен гаепләп чыкты.

Израиль Ливанга инде өченче тапкыр һөҗүм итә. Моңа кадәр булган сугышларда Израиль Ливанга гаскәр кертә алды, әмма «Хезболла» төркеменең партизан сугышын җиңә алмады.

Израиль, озакка сузылган көчле ракета һөҗүмнәре белән, «Хезболла» төркеме лидерларын юк итте.